Azərbaycan Respublikasının Auditorlar Palatası auditor adi almaq üçün imtahan keçirir.

 

İmtahanda mühasibat uçotu, maliyyə, iqtisadçı və hüquqşünas ixtisasları üzrə ali təhsilə və ixtisas üzrə azı üç il əmək stajına malik olan Azərbaycan Respublikasının vətəndaşları iştirak edə bilərlər. İmtahanda iştirak etmək istəyən şəxslər 10 aprel 2026-cı il tarixinədək aşağıda göstərilən sənədləri Azərbaycan Respublikası Auditorlar Palatasına təqdim etməlidirlər:

1. İmtahan Komissiyası sədrinin adına müəyyən olunmuş formada yazılmış ərizə;
2. Ali təhsil haqqında sənədin notarial qaydada təsdiq olunmuş surəti;
3. Əmək kitabçasından çıxarış;
4. 4 x 6 sm ölçüdə 4 ədəd rəngli fotoşəkil;
5. Anket;
6. Tərcümeyi-hal;
7. Şəxsiyyət vəsiqəsinin surəti;
8. Məhkumluğun olmaması haqqında Azərbaycan Respublikası  Daxili İşlər Nazirliyi tərəfindən verilmiş arayış (Arayışı “Asan Xidmət Mərkəzləri”ndən almaq olar);
9. Müəyyən vəzifə tutma və ya müəyyən fəaliyyətlə məşğul olma hüququndan məhrum etmənin (qadağanın) olmaması haqqında Azərbaycan Respublikası  Ədliyyə Nazirliyi tərəfindən verilmiş arayış (Arayışı Ədliyyə Nazirliyinin Probasiya Xidmətindən (ünvan: Bakı şəhəri, Ağa Nemətulla küçəsi, 9, telefon: 012 525 40 94) almaq olar).

ACCA, CIPA və CAP sertifikatlarına malik olan şəxslər həmin sertifikatların əslini təqdim etdikdə imtahan nəticələrində nəzərə alınır.  

Auditor adı almaq üçün imtahanda iştirak etmək arzusunda olan şəxslərə imtahandan əvvəl hazırlıq kursları təşkil edilir.

İmtahan 2026-cı ilin aprel ayında keçiriləcəkdir.

İmtahan və hazırlıq kurslarında iştirak ödənişlidir.

Maraqlananlar Azərbaycan Respublikası Auditorlar Palatasına müraciət edə bilərlər.

Ünvan: AZ1072 Bakı şəhəri, S.Y.Bakuvi küçəsi, 35. Azərbaycan Respublikasının Auditorlar Palatası

Əlaqələndirici şəxs: Kadr hazırlığı idarəsinin rəisi Elmira Hacıyeva

Əlaqə nömrələri: (012) 465-21-75 (daxili 122), (051) 921-25-25

E-mail: training@audit.gov.az