Şura üzvlərinin və Palatanın Şurası yanında Komitə sədrlərinin iştirak etdiyi iclasda auditin aktual problemlərinə dair aşağıdakı məsələlər müzakirə edilmiş və müvafiq qərarlar qəbul edilmişdir:
1. Azərbaycan Respublikası Auditorlar Palatasının Şurası yanında komitələrin və komissiyanın 2023-cü ilin yekunlarına dair hesabatları, Əsasnamələrinin və 2024-cü il üzrə iş planlarının təsdiq edilməsi barədə;
2. 2023-cü ildə auditor təşkilatlarının və sərbəst auditorların apardıqları auditlərin keyfiyyətinə kənar nəzarətin vəziyyətinə dair icmal-təhlilin hazırlanması barədə;
3. Rusiya Federasiyasının “Sodrujestvo” Özünütənzimləyən Auditor Təşkilatları Assosiasiyasının idarə heyətinin sədri İqor Aleksandroviç Kozırevə Auditorlar Palatasının “Fəxri üzvü” statusunun verilməsi barədə;
4. “Auditor xidməti haqqında” Azərbaycan Respublikası Qanununun qəbul edilməsinin 30 illiyinə həsr olunmuş, habelə yeni dövrün çağırışları və ölkə Prezidenti tərəfindən Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi zəminində şəffaflıq, hesabatlılıq və audit problemlərinin müzakirəsinə həsr edilmiş beynəlxalq elmi-praktik konfransın keçirilməsi barədə;
5. Azərbaycan Respublikasının Auditorlar Palatası və Azərbaycan Respublikasının Kiçik və Orta Biznesin İnkişafı Agenliyi arasında Əməkdaşlıq Sazişinin imzalanması barədə;
6. Azərbaycan Respublikası Auditorlar Palatasının 2023-cü il üzrə maliyyə-təsərrüfat fəaliyyətinin auditinin aparılmasına dair kənar auditorun seçilməsi barədə;
7. Azərbaycan Respublikası Auditorlar Palatasının 2024-cü il üzrə iş planının 8.12-ci “İcazəli auditoru olmayan auditor təşkilatlarının fəaliyyətinin monitorinqi” bəndinə uyğun olaraq Auditin təşkili və hesabatlılıq idarəsi tərəfindən aparılan monitorinq barədə.
Müzakirə olunan məsələlər üzrə müvafiq qərarlar qəbul edilmişdir.
